वेस्ट ब्याँकमा इजरायली सेनाद्वारा ३ प्यालेस्टिनीको हत्या

एजेन्सी । इजरायली सेनाले वेस्ट ब्याँकको कबातिया शहरमा तीन प्यालेस्टाइनी बन्दुकधारीलाई मारेकाे छ । इजरायली सेनाले शहरको एउटा घरलाई घेरा हालेर तीन बन्दुकधारीलाई मारेको प्यालेस्टिनी स्रोतलाई उदृत गर्दै अन्तर्राष्ट्रिय सञ्चारमाध्यमले जनाएका छन् ।

तीन प्यालेस्टाइनीहरू घरको छतमा रहेको बेला इजरायली सैनिकहरूले मारेको बताइएको छ । हालसम्म इजरायली सेनाले घटनाबारे कुनै प्रतिक्रिया दिएको छैन ।

गाजा पट्टीमा गतबर्ष इजरायल र हमासबीचको द्वन्द्व शुरु भएदेखि वेस्ट ब्याँकमा पनि तनावमा छ ।